فيلم كيبان رومنسي و زوين ... لكن الفيلم أعمق من ذلك
the mountain between us
فيلم كيبان رومنسي و زوين ... لكن الفيلم أعمق من ذلك ...
الفلم كيتناول واحد الوضع خطير و اللي يقدر يعيشو أو يكون عاشو شي حد فيكم ...
كلشي كيقول أن العلاقات كتبدا تعارف و كتسالي بحب أفلاطوني و أن هاد العلاقة ملي كتكون عن حب راه هي في الطوب ديالها ... لكن الوضع الخطير اللي في الفيلم و هي حالة التعود ..."لولف" ...كما يقولون " الحب صعيب و لولف مصيبة ... "
هاد المسألة أصبحت موضع دراسة في العلوم الانسانية الحديثة... حيث أنك تقدر تبغي شي واحد حسب اختيارك للمعايير اللي مناسباك في الأول أو اللي كايكونو ديجا واجدين عندك و كتنتظر الشخص المناسب ...
أما في متلازمة التعود الأمر يختلف ... بحيث تقدر تكون مع شخص و كيبان ليك الاختلااااااف شااااسع بيناتكم و أنه صعيب يكون توافق في جل النقاط اللي عند كل واحد فيكم ... فين كاين الاشكال في هادشي ؟
الإشكال كاين في أن الجسم في هاد الوقت اللي نتا مع هاد الشخص سواء تفاهمتو أو ما تفاهمتوش فهو كيفرز هرمونات حسب الانفعال العاطيفي اللي نتا فيه ... و شوي بشوي كيولي هاداك شد ليا نقطع ليك فيه المتعة و كأنها مازوشية المشاعر و كيما كيقولو اللولين "ما كاين محبة إلا و من بعد عداوة" (ما كنثافقش معاها بزاف هاد المقولة )...
يعني الوقت اللي كيجي و هذاك الشخص كيغبر عليك أو كيبعد سواء لظروف أو اختيار من احد الطرفين ... هنا كتبدا المعاناة و هي أنك كتبدا توحش ديك شد ليا نقطع ليك و كتبغي تعرف خبارو و أنه خاصو يكون معاك بكل ما فيه ... أخطأو, كلامو , انفعالو , اختلافو ...المهم تحيد قطعتك منو ...أصبح شيء من الإدمان
و نهار كتشوفو كتبغي تعنقو و تزير عليه حتى يضرك صدرك و تقول ... "دقة الصدر محبة وخا تكون بالقرطاس "
نصيحة : إلا بديتي كتولف دير وحدة في جوج يا رجع لور أو صارح بحبك ... لأن نفسك و جسدك ما غايرحموكش ...
اللي مازال ما تفرج فيه ...نصحك تفرج فيه
تعليقات
إرسال تعليق